முதுமை

வெள்ளை முடிகளோ ,
சுருங்கிய தோல்களோ,
வளைந்த எலும்புகளோ ,
ஒளி குறைந்த கண்களோ ,
உன் முதுமையின் வலியை
தீர்மானிக்க போவதில்லை ..

மனைவியை இழந்த ,
வயதான கணவனின் வலி ....
ஆளாக்கிய பிள்ளையை இழந்த,
வயதான தாயின் வலி ....
பிள்ளைகளின் நிராகரிப்பில் ,
ஊமையாகி போன
பெற்றோரின் வலி...
அடுத்தடுத்து சக நண்பர்களின்
மரணங்களை,
வேடிக்கை மட்டும் பார்க்கும் முதுமையின் வலி...

இந்த வலிகள் தீராது போயினும் ,
வந்து சேர வேண்டிய மரணம்
வராது போயினும் ,
நீ வாழும் முதுமை கொடியதே !!!